حقيقة.!

كتاب رحلتي من الطب إلى سوق العبور - محمد بن جمال.pdf

للمؤلف: محمد بن جمال
قواعـــد العشــق الممحــون إنك تريَّح شريكة حياتك ده شئ مهم، يعني لو بتكره الصوت العالي مش هاعلِّي صوتي ... لو عاوزاني أقولها كلام حلو هاقول كلام حلو، لو مابتحبش عزت العلايلي ... فده طبيعي يعني مش هاعمل حاجة . لكن دلوقتي أنا مبقتش فاهم والله شريحة كبيرة من البنات بتفكر ازاي ... يعني لما تقوليلي أنا مبقتش حاسة » بشغف في العلاقة » المفروض أعمل إيه ؟! طيب ماتفهميني يعني إيه شغف عشان أريحك وأعملهولك .. مش يمكن أطلع باعرف واشغف عليكِ ؟.. ولو معنديش شغف أجيبلك شغف .. ما أنا ياما جبتلك دباديب وورد . لما تقوليلي نفسي» تطبطب علي دموعي !! » .. أنا عشان أعمل حاجة زي دي أو أطبطب على دموعك فأنا كده هديكي بالقلم عشان أطبطب على دموعك اللي على خدك ... أو أدخل أطبطب عليهم قبل ما ينزلوا وافقعلك نني عينك يا بيبي . لما تعملي شير لتفاحة آدم بتاعة واحد وتقولي هييييييح !! طيب دي أعمل فيها إيه دي ؟! أجيبها ازاي ؟! أنا أعرف حد يروح يزرع سليكون .. يزرع شعر .. لكن منظري أيه وانا رابط رقبتي برباط ضاغط ، وأي حد يسألني أقولهم أصلي زارع تفاحة آدم بس لسه مطرحتش . لما الاقيكي عاملة شير لبوست » نفسي أدوق من روحك حتة » .. مش فاهم يعني إيه المتعة والرومانسية في كده ؟! وهل أنا عشان أبقي رومانسي .. أقولك » طب خدي عيش غمزي يا عمري عشان تشبعي ؟! .. بالله عليكم ياريت يا جماعة أي حد داق من روح اللي جنبه حتة يقولنا طعمها إيه عشان باقرف ومش هدوَّقها حاجة . معنديش مانع إني أسعدك وأطبطب علي روحك، وأغطي إحساسك في البرد .. معنديش مانع أطبطب علي كرات دمك الحمراء، وأجيبلك جبنة بيضا قديمة من » الصفائح » الدموية بتاعتي، ونشرب بلازما سوا من دمي .. بس فهميني الحاجات دي بتتعمل ازاي وأنا أعملهالك يا عمري .

الأدب العربي -> الأدب الساخر -> كتاب رحلتي من الطب إلى سوق العبور - محمد بن جمال

تفاصيل كتاب كتاب رحلتي من الطب إلى سوق العبور - محمد بن جمال.pdf

للمؤلف: محمد بن جمال
التصنيف: المكتبة الأدبية -> الأدب الساخر
نوع الملف: pdf
أضيف بواسطة: Y4$$3R N3T
بتاريخ: 20-10-2018
عدد مرات التحميل: 0
مرات الارسال: 22

عرض جميع الكتب التي أضيفت بواسطة: Y4$$3R N3T
عرض جميع الكتب للمؤلف: محمد بن جمال